Am 28 Juni isches so wiit gsi. Am 8:05 simmer uf de Zug richtigs Rütli. 
Als mer denn endli nach dere lange fahrt ahcho sind, hemmer sofort müesse ufs Schiff sekle. Denn is no relativ bewölkt gsi! Als mer denn vom Schiff us ufs Rütli gloffe, und denn au mal acho sind, hemmer no brötlet und euisi Wurscht gesse.denn hemmer no müese de Rütlischwur ufsege! als mer denn das hinder euis gah hend, simmer denn wieder richtig Vierwaldstättersee gloffe und mer sind wieder ufs Schiff richtig Sisikon. Vo dete us hemmer denn müese uf Flüele Laufe!!! bi 30grad!!! Als mer dänn ändli in Flüele acho sind, hemmer no i dere Hitz uf de Zug müese warte! Nacher isch au zum glück au cho! 
Mer sind is wallis gfahre und denn in Fiesch acho 
und sind grad zu euisem Lagerhuus gange... ufem wäg det here hemmer überall so töti Fiecher gseh! Als mer denn au no erfahre hend, wer mit wem im Zimmer isch und wer weles Zimmer überchunt, hemmer denn langsam uspackt. Es isch scho bald ziit gsi zum go esse. Inere reise Halle hend alli gesse! Nachem esse hemmer denn wieder zrugg i euises Zimmer chöne gah... und denn isch scho wieder morge gsi! Mer hend müese go Wandere!!!! Aber da isch scho hunderttusigmal in Fiesch und uf de Fiescheralp gsi bin, isch mer das ja eh glich gsi... Mir sind denn de Aletschgletscher go agügsle und sind denn übere uf d'Riederalp. Es isch denn aber scho wieder abig gsi und mer sind wieder go fuude. Am Mittwuch simmer weisi au nümme wasmer gmacht hend! also denn am Dunnschtig simemr denn miteme stei alte Postauto uf Brig in Mc Donalds gfahre und hend dete gesse... nacher simmer no so ines Freiziitbad mit enere MEGA lange Rutschbahn! aber de Tag isch au mega schnell verbi gsi... und denn isch de ABSCHLUSSABIG cho. Alli hend sich no chli gstylt und gschminkt und denn het d'Party agfange! Es isch no recht witzig gsi, bises de striit mit em Burak und den Gigi und de Ladi geh het... denn isch alles schief gloffe... doch irgendwie hemmer denn das alles chöne wieder ihrenke und denn is dochno wiiter gange.. alli hend tanzed, ussert de Burak...:) mit dem het niemmert wele Tanze... denn isch schowieder halbi eis gsi und mer hetted müese is Bett. Aber ich und mini Zimmerkollege hend denn no bis am morge am 4 chli gschnurret und sind denn mega müed gsi! Ja denn isch au scho wieder Fritig gsi und mer hend no müese mit Lamas go spazifitzottle... Das isch no recht luschtig gsi, wills mi zum Glück ned agspukt hend! :) Ja denn isch scho wieder d'heifahrt gsi, aber uf de heifahrt sind alli Schüeler /inne ines anders abteil als d'Lehrer und denn hemmer Tat oder Wahrheit gspielt. De Burak het müese uf d'Andrina hocke und d'Portmann (euisi Lehrerin) hets gseh! :):) im is mega peindlich gsi! denn simmer leider wieder in Thalwil gsi und mer hend es unvergässlichs erlebnis gah!!! Das sölls wieder geh! :)The end! SRY LEIDER CHANICH DIE BILDER WOHNI GMACHT HAN NÖD DA IE TUE!! WIRDS ABER IMMER WIEDER VERSUECHE! :D mercii